لمكان : سينا ( ارض مصريه - حدود مع دوله غصب عننا ) ..
الزمان : ساعه مغربيه ..
القضيه : مفيش قضيه ..
على الجبين عرقه و بيادته مقطوعه ..
صوت الفراغ حوله عازف لمقطوعه ..
صايم و متسحرش الا بكوب مايه ..
واقف ف عز الشمس بيقضى ورديه ..
سرحان و شايف بكره و احلامه ورديه ..
مستنى لحظه غروب و ادان من الراديو ..
3 بلاحات ف ايده و الهم راح شايطو ..
و قال لنفسه اصبر اصل اللى جاى اجمل ..
و الشمس راح تطلع و مفيش مكان لليل ..
يا هل ترى يا بهانه لسه معاكى صورتى ..
شايلاها ف دولابكـ وحشكـ كلام قلبى ..
اول ما راح ارجع راح اتم انا وعدى ..
و سكت الكلام جواه و اتقفل فمه ..
برصاصه غداره صابت عيون حلمه ..
مات الجدع على ارضه و دمه اهو سايل ..
مات الجدع بالغدر و سلاحه مش حاسس ..
و بهانه ف بلادها قاعده و منتظره ..
عوضين ف يوم يرجع .